Abafundi bechazwe yisayensi kwi-Pietermaritzburg Girls’ High STEM career fair.I-STEC@UKZN Ibambe Iqhaza kwi-STEM Fair
Click here for English version
I-Pietermaritzburg Girl’s High School (i-GHS) yenze ezibukwayo kwi-Science, Technology, Engineering and Mathematics (i-STEM) Fair.
IKolishi LezoLimo, Ubunjiniyela neSayensi neScience Centre yekolishi, i-STEC@UKZN bebemenywe ukuthi bazise ngeNyuvesi nemiboniso efundisa ngesayensi.
Amalungu e-STEC@UKZN abenendathane yezinto abekhangisa ngazo, njengekhamera ekala izinga lokushisa lezinto (isigcobo esipholisanayo uma sigcotshwa esikhunjeni, esikhombisa ushintsho ezingeni lokushisa). Bekunezinto ezikala ijubane lokuhamba kwezinto. Ngenkathi kukhanyiswa izinto zikagesi welanga abafundi bazibonele bona umlingo. I-STEC@UKZN ibiphethe ibhokisi lamadwala elinezinhlobo ezintathu zamadwala, enziwa yintabamlilo, ayizinsalela zezinye izinto naguqukayo.
Abafundi base-GHS bakhangise ngezifundo eziyintandokazi yabo njengerobhothiksi nobunjiniyela ekhosombeni ebelinemisebenzi ehlukene yabafundi bamaBanga e-10 nele-12. Bekunemoto encane, into yokukhipha amanzi emhlabathini eyenziwe ngamabhakede eplastiki namapayipi nenjini evuselelwe ye-Wisconsin nezinto ezihlukene zokusebenza nezolimo.
Ikhosombe lesayensi yempilo belikhangisa ngezinto ezihlukene eziningi zikacwazi ne-Van De Graaf generator, ithuluzi elikhombisa ugesi ogciniwe. Ngenkathi umfundi ebeka isandla sakhe kuwona, kuqhwize izinhlansi, kwama izinwele zakhe.
Ithimba lekhemistri belenza umbukiso ngaphandle njalo emva kwemizuzu engama-30 ukukhombisa imigilingwane yamakhemikhali. Isibonelo nje, kuhlanganiswe i-ammonium dichromae namaconsi ambalwa e-ethanol kwabaswa ukulinganisa ukubheduka kwentabamlilo. Omunye umbukiso ojabulise izethameli kube wumuthi wokuxubha weNdlovu, into enegwebu eyenziwa ngokuthaka amanzi, i-hydrogen peroxide, inhlese nensipho ewuketshezi yokuwasha izitsha.
Umbukiso wesayensi wokubala wenze abafundi bathola ithuba lokubona kubalwa kwikhompiyutha.
Ngokuphela kombukiso, ithimba le-STEC@UKZN likhiqize i-drone. Abafundi babone izithombe ze-drone ngenkathi indiza.
Umbukiso ukhombise ukuthi isayensi isesitayeleni futhi imnandi kanjani nokuthi kuba mnandi kanjani kososayensi ukwenza izinto zabo.
Amagama: ngu-Cindy Chamane
Izithombe: Zithunyelwe